Korporatiewe skakeling     

Agri SA hou 'n netwerk van verhoudinge in stand, bevorder begrip en insig by belangstellendes en vestig vennootskappe wanneer dit as bevordelik vir die toekoms van sy lede geag word. Die afdeling Korporatiewe Skakeldienste help om dié verhoudinge in stand te hou, uit te bou en te bevorder. Die volgende aksies is gerig om interne en eksterne verhoudinge te bevorder:

• 'n A4-glanstydskrif AGRI word tweemaandeliks direk aan ongeveer 31500 lede gepos.
• 'n Weeklikse elektroniese nuusbrief word per e-pos en faks aan lede versprei.
• 'n Radioprogram, landbou-oorsig, word in huis geproduseer en deur Radiosondergrense (RSG) uitgesaai op Maandae, Woensdae, en Vrydae vanaf 12:30 - 12:45.
• Verskaf insette vir 'n landboutelevisieprogram, asook ander TV- en radioprogramme.
• Verskeie mediaskakelings in samewerking met borge, bv mediadae, besoeke aan landbouleiers, plaasbesoeke, mediakonferensies en besoeke aan medialeiers.
• Beeldbou-aksies, uitstallings en funksies.
• Uitreiking van mediaverklarings en ander inligtingstukke.
• Moniteer parlementêre prosesse en fasiliteer parlementêre skakeling.
• Werwing van borgskappe.
• Interne en eksterne skakeling en kommunikasie.