Handel en Nywerheid       

Om die welvaart van die landbou ook binne die handelsomgewing en spesifiek as deel van die aanbodketting van voedsel- en veselprodukte te bevorder, word daar op die volgende tipes aangeleenthede gefokus:

• Deelname aan die ontwikkeling van 'n Mededingingswet en monitering van mededingingspraktyke.
• Insette met betrekking tot 'n handelsbeleid vir landbou aan bv die Nasionale Departement van Landbou (NDL), met die oog op 'n gelyke speelveld vir die plaaslike sektor.
• Deelname aan die ontwikkeling van die Wet op Handelsadministrasie ten einde 'n aanvaarbare prosedure - onder andere vir aansoeke vir invoertariewe op invoerbare landbouprodukte - daar te stel.
• Deelname aan die ontwikkeling van die "Proudly South African" veldtog.
• Evaluering van alle handelsooreenkomste, bv tussen Suid-Afrika en die Europese Unie (SA/EU) asook binne die Suider-Afrikaanse Ontwikkelingsgemeenskap (SAOG), om hul invloed op die landbou te bepaal.
• Verteenwoordiging in die Nasionale Ekonomiese, Ontwikkelings-en-Arbeidsraad (NEOAR), die Internasionale Federasie van Landbou-organisasies (SACAU) ten einde die belange van plaaslike boere te bevorder.
• Insette met die ontwikkeling van 'n nywerheidsontwikkelings strategie wat landelike behoeftes in ag neem.