Ekonomiese Sake      

Om die inkomstestaat van die landbou en individuele boere ten opsigte van die kostestruktuur van insette, finansiering en belastingaangeleenthede so gunstig as moontlik te beïnvloed, is die volgende voorbeelde van aangeleenthede wat periodiek onder die soeklig kom ter sprake:

• Die brandstofkonsessie waarvoor boere tans kwalifiseer.
• Insette met die ontwikkeling van 'n risiko- en rampbestuur beleid.
• Die kwantifisering van skade voortspruitend uit natuurrampe en die bedinging vir owerheidsbystand.
• Kapitaalwinsbelasting en spesifiek die billike hantering van plaashuise in die verband.
• Die finansiële uitwerking van die sektorale vasstelling en spesifiek minimumlone op die landbou.
• Die belastingbedeling vir die landbou, soos die afskryfbaarheid van boerderyverliese teen eksterne inkomstes, veranderde jaareindes, ens.
• Die uitwerking van eiendomsbelasting op die landbou.
• Die posisie van die Land Bank met betrekking tot die finansiering van landbou, bv. rentekoerse, bankstate ten opsigte van uitstaande lenings, ens.
• Die prysbewegings van landbou-insette en tersaaklike wetgewing, ook spesifiek met betrekking tot prysbewegings van elektrisiteit.
• Ondersteuning van statistiese opnames en die interpretering daarvan.